Байгаль орчин, уур амьсгалын өөрчлөлтийн яам, Нийслэлийн Засаг даргын тамгын газар, “Цэнгэг усны нөөц, байгаль хамгаалах төв” УТҮГ хамтран “Ногоон технологи-2024” үзэсгэлэн арга хэмжээг 2024 оны 9 дүгээр сарын 18, 19-ний өдрүүдэд жанжин Д.Сүхбаатарын нэрэмжит талбайд зохион байгуулахаар төлөвлөн ажиллаж байна.

“Ногоон технологи-2024” үзэсгэлэн арга хэмжээнд байгаль орчинд ээлтэй, дэвшилтэд ногоон технологи, инновац нэвтрүүлж байгаа аж ахуйн нэгж, байгууллага, иргэд, төрийн болон нутгийн захиргааны байгууллагууд оролцоно.

Тус үзэсгэлэн, арга хэмжээний хүрээнд дараах мэдээ мэдээллийг олон нийтэд хүргэнэ. Үүнд:

•Ногоон технологи, ногоон бүтээгдэхүүн, үйлчилгээ
•Байшингийн дулаан алдагдлыг багасгаж эрчим хүчний хэмнэлтийг бий болгох арга зам
•Зуухны стандарт, угаарын хийн хордлогоос урьдчилан сэргийлэх, болзошгүй эрсдэлээс урьдчилан сэргийлэх зөвлөмж
•Нүхэн жорлон өөрчлөх шийдэл
•Хуванцар хаягдлаас эдийн засгийн эргэлт бий болгох